ରଜା ର ଦୋଷ୍ ପର୍ଜା ପାଇସି
ଛୁଆ ର ଦୋଷ୍ ମାଁ ବୁଆ
ଛାତ୍ର ଛାତ୍ରୀ ର ଦୋଷ୍ ମାଷ୍ଟର୍ ପାଇସି
ମୁନୁଷ୍ ଦୋଷ୍ ମାଇଚିଆ ।୧।
ଭାଗ୍ୟ ର ଦୋଷ୍ କରମ୍ ପାଇସି
ଫଳ୍ ଦୋଷ୍ ହେଲେ କୁହା
ବଢେଇ ର ଦୋଷ୍ ଗଛ୍ ପାଇସି
ଖୁସି ର ଦୋଷ୍ ବଡ଼ ମୁହା ।୨।
ରସ୍ ଦୋଷ୍ ସେ ଖୁଜୁରା ପାଇସି
ଲୁହା ଦୋଷ୍ ଇ ଲୁହୁରା
ଘି ର ଦୋଷ୍ ଟା ଗୋଉର୍ ପାଇସି
ଗୁର୍ ଦୋଷ୍ ଜାନି ଉଖୁରା ।୩।
ଲେଖା ର ଦୋଷ୍ ଯେ ଲେଖକ୍ ପାଇସି
କବିତା ର ଦୋଷ୍ କବି
ଘର ର ଦୋଷ୍ ସେ ମୁଖିଆ ପାଇସି
ତାଲା ର ଦୋଷ୍ ଇ ଚାବି ।୪।
ଯାହାର୍ ଦୋଷ୍ ଟା ସିଏ ପାଇସି
ମୋର୍ ତ କାଏଟା ଗଲା
ଦୁଃଖ୍ ଭିତରେ ଭି ଖୁସି ମିଲିସି
ଲୟ ଧରିଥିଲେ ହେଲା ।୫।
——————📝——————