“
“
ସତ ସତ ତିରବାର ସତ
ମୁଇ କରୁଛେ କିରିଆ,
ବଇଠା ଟେ ଯଦି ହେମି
କରମି ଚାରହି ଦିଗ କେ ଉକିଆ ||
ଫୁଲ ଟେ ଯଦି ହେମି
ଦେମି ସବକେ ମହକ,
ଦେବତା ମୁଡ଼େ ଚଢେ କି ନି ଚଢେ
ଯୀମି ବୀର ର ପାଦ ତକ ||
ଗଛ ଟେ ହେଲେ ଘଛର ବାଗିର
ଫୁଲ ଫଳ ଛାଏଁ ଦେମି,
ଜନଟେ ହେଲେ ଦୁହି
ଉକିଆ କରୁ ଥିମି ||
ବହି ଗୁଟେ ହେଲେ ଭି ଯଦିର
ସବକର ର ବଢ଼ାମି ଜ୍ଞାନ,
ନିଜର ଭାଷା କେନତା ଉଁନତ ହେବା
ସେଥିନ ଦେମି ଧିଆନ ||
କବିଟେ ହେମି ଯଦି ମୁଇଁ
ସଜେଇ ଦେମି ଶବଦ ଫୁଲେ,
ରାଜା ନାଇଁ କି ମନ୍ତ୍ରୀ ନାହିଁ
ଉଚ୍ଚା ପଦ ନାଇଁ ନିଏ ଭୁଲେ ||
ମୁନୁଷ ଟେ ହେମି ମୁଇଁ
ନାଇଁ ନ ଦେବତା ର ଆଶ
ସତ ସତ ତିରବାର ସତ
ନାଇଁ ଭାଙ୍ଗେ କାହାର ବିଶ୍ୱାସ ||
Happy to read